021 976 4106

administrasie@bergsigdv.co.za

Kursusse

IDENTITEIT IN CHRISTUS

As ek vir jou sou vra, “Wie is jy?” wat sou jy antwoord?

Ons sukkel baie meer met hierdie vraag as wat ons dink. ’n Christen kan en moet verseker weet WIE ons is in Christus.

As jy dit nie weet nie gaan jy altyd NET dit glo wat jou ouers gesê het, wat jy by jou vriende beleef het of hoe jy oor jouself “voel.”

God wil graag hê dat ons identiteit in Jesus gevestig sal wees, want dit is die ENIGSTE waarheid oor jou wat ’n EWIGHEID sal vasstaan.

Kom woon gerus die vyf weke lange kursus

“Die Omgeruilde Lewe” by op Vrydagoggende:

4, 11, 18, 25 Mei en 1 Junie 2018 vanaf 09:00 – 11:00.

Of Woensdagaande: 9, 23, 30 Mei en 6 & 13 Junie vanaf 18:30 – 20:30

Koste R100 (notas)

R250 (Volledige Handboek).

Bel Ds. Johan Els vir meer inligting. 

PASTORALE NARRATIEWE TERAPIEKURSUS

Durbanville-Bergsig se pastorale sentrum bied vanaf 22 Mei, ʼn verkorte kursus in pastorale narratiewe terapie aan. Die langer 2-jaar Tukkies-geaffilieerde diplomakursus gaan steeds voort.

Die verkorte weergawe strek oor 9 weke en kos R500.00 per inskrywing.

Lesmateriaal is hierby ingesluit.

Wat bied die kursus?

  1. Algemene beginsels vir beradingsgesprekke.
  2. Sleutelaspekte van narratiewe terapie word ontleed en prakties ingeoefen.
  3. Persoonlike, geestelike en emosionele groei.
  4. Hegte verhoudinge binne groepsverband.

Inskrywings kan by Liezl Loubser gedoen word of kontak die kerkkantoor by 021 976 4106.

Seënwense, Philip Scholtz (aanbieder)